16+

«Күптөсмерле Россия» бәйгесенә йомгак ясалды: «Дөнья үзгәреп торса да, конкурс даими булачак» (ФОТОРЕПОРТАЖ)

«Күптөсмерле Россия» бәйгесенә йомгак ясалды: «Дөнья үзгәреп торса да, конкурс даими булачак» (ФОТОРЕПОРТАЖ)

«Күптөсмерле Россия» бөтенроссия журналистлар конкурсы быел унынчы тапкыр уздырылды. Әлеге бәйгегә килгән язмаларның саны елдан-ел арта, тапшырылган язмаларның сыйфаты да уңай якка үзгәрә бара, проект ел саен үзенең географиясен киңәйтә. Конкурс җиңүчеләрен бүләкләү чарасында Татарстан Дәүләт Советы рәисе урынбасары - Журналистлар берлеге рәисе Римма Ратникова телгә алганча, быел жюри әгъзалары илнең 56 төбәгеннән килгән 2200 эшне караган.

- Бу саннар бәйгенең абруе артуын, әлеге тема ничек кенә катлаулы булса да, журналистларның аның белән кызыксынуын, язарга теләкләре көчле булуын күрсәтә. Сәләтле журналистларыбызның күп булуы сөендерә, - дип билгеләп үтте ул.
«Татмедиа» республика матбугат һәм массакүләм коммуникация­ләр агентлыгы җитәкчесе Айрат Зарипов, дөнья­да үзгәрешләр гел булып торса да, конкурсыбыз даими булыр, дигән ышанычын белдерде.
Конкурс «2014-2020 елларда Татарстанда дәүләт милли сәясәтен тормышка ашыру» программасы кысаларында уза. «Татмедиа» республика матбугат һәм массакүләм коммуникацияләр агентлыгы оештырган бәйгенең бүләкләү фонды быел 1 миллион 800 мең сум иде. Конкурсантлар берничә номинациядә көч сынашты. Җи­ңүчеләр арасында Татарстанның мәгълүмат чаралары булуы аеруча куанычлы. «Казан» журналы «Басма матбугатта язмалар циклы» номинациясендә беренче урынны алды. «Интернет массакүләм мәгълүмат чарасында язмалар цик­лы» номинациясендә «Гаилә һәм мәктәп» журналы - икенче, «Массакүләм мәгълүмат чараларында балалар һәм яшүсмерләр өчен аң-белем проектлары» номинациясендә «Салават күпере» журналы шулай ук икенче, «Радиотапшырулар циклы» номинациясендә «Саба дулкыннары» телерадиокомпаниясе өченче урынга лаек булды. Гран-при исә Хабаровскида нәшер ителә торган «Молодой дальневосточник XXI век» газетасы редакциясенә бирелде.
Җиңүчеләрне бүләкләү тантанасында катнашкан Татарстан премь­ер-министры Алексей Песошин билгеләп узганча, халыклар арасындагы дуслык һәм үзара аңлашу күпмилләтле һәм күпконфессияле илебезнең ныклы нигезе булып тора.
- «Күптөсмерле Россия» бәйгесе шул татулыкны ныгытуга, төрле халыкларның традициясе, гореф-гадәтләренә ихтирам белән карауга юнәлтелгән. Журналист ул - бик җитди һөнәр. Сез үз төбәгегездә, кече ватаныгызда көн саен илдә барган вакыйгаларны яктыртасыз. Сез кешеләрдә сәясәткә, икътисад, мәдәнияткә һәм Россия территория­сендә яшәүче халыкларның сәнгатенә мөнәсәбәт барлыкка китерәсез. «Күптөсмерле Россия» конкурсында катнашу - күпмилләтле илебезнең мәдәни потенциалын саклауга, патриотизм, толерантлык тәрбияләүдә үзеңнән зур өлеш кертү, - диде ул.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading