16+

Каен суы файдасы: «Һәр көнне берәр стакан эчәргә кирәк»

10 апреля 2025, 14:50
735
0
0
Уку өчен 2 минут

Без кечкенә вакытта апрель җитеп, кар эри башлауга (ә элек кар апрельдә генә эри иде), бер кулга кадак белән чүкеч, икенче кулга каз каурые белән буш шешә тотып, авыл башындагы каенлыкка бара идек.

Каен суы файдасы: «Һәр көнне берәр стакан эчәргә кирәк»

Без кечкенә вакытта апрель җитеп, кар эри башлауга (ә элек кар апрельдә генә эри иде), бер кулга кадак белән чүкеч, икенче кулга каз каурые белән буш шешә тотып, авыл башындагы каенлыкка бара идек.

Аз гына баллы, сап-салкын, бераз гына тоныграк каен суы, чынлап та, бик тәмле була торган иде.

Кыш көне йончып чыккан организмга хәл кертү, көч өстәү өчен каен суынан да яхшырак нәрсә юк.
Яз көне җыйган каен суында фруктоза, органик кислоталар, витаминнар, микроэлементлар бар.
Ул:
🍀организмны ныгыта,
🍀бәвел кудыра,
🍀организмда җыелган кузгалак кислотасы тозларын чыгара,
🍀суалчаннарны куа,
🍀тән тиресен чистарта,
🍀чәчләрне ныгыта һзм үстерә.

Моннан тыш, каен суы бик көчле антиоксидант һәм аның яман шеш күзәнәкләренең үсешен тоткарлау үзлеге билгеле.

Борынгы халык табиблары каен суын:
🍀бронхит;
🍀туберкулез;
🍀бронхоэктаз;
🍀подагра;
🍀ревматизм;
🍀бөердәге һәм бәвел куыгындагы ташларны эретү;
🍀азканлылык;
🍀ангина;
🍀тәнгә чуан чыгу;
🍀озак төзәлми җәфалаган яраларны;
🍀тәнгә су җыелганны дәвалау өчен кулланган.

🍀Каен суы белән бит тиресен сөртсәң, сипкелләр һәм көрән таплар тоныклана, бит тиресе чистарып кала.

🍀Чәчләрне юганнан соң, каен суын чәч төпләренә сөртсәң, чәчнең коелуы бетә, чәч куера, кавыктан шифасы бар.

Шифасы булсын өчен, каен суны һәр көнне берәр стакан эчәргә кирәк. Дәвалау курсы 1 ай.

Каен суына алма, мүк җиләге сулары кушып та эчәргә була. Шулай ук аңа бөтнек, сары мәтрүшкә, нарат ылысы төнәтмәләре дә кушалар.

Лилия Гәрәева блогыннан.

Кызыклы яңалыкларны күзәтеп бару өчен Вконтактега кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading