#Кыскача яңалыклар 10 апреля 2025, 14:32 Уку өчен 2 минут

Татарстанда янгынга каршы махсус режим кертелә

10 апреля 2025, 14:32

Уку өчен 2 минут

Ул 14 апрельдән 11 майга кадәр гамәлдә булачак. Тиешле карарны ТР Премьер-министры Алексей Песошин имзалады.

Скопировать ссылку

Ул 14 апрельдән 11 майга кадәр гамәлдә булачак. Тиешле карарны ТР Премьер-министры Алексей Песошин имзалады.

Бу чорда учак ягу, коры үләнне һәм чүп-чарны яндыру, шулай ук торак пунктлар һәм бакчачылык ширкәтләре территориясендәге мангалларда ризык әзерләү тыела.

Әлеге чикләү рестораннар, кафе, барлар һәм башка җәмәгать туклануы объектларына кагылмый.

Урман һәм башка табигый янгыннар куркынычы янаган урыннарда 1-3 класслы пиротехника эшләнмәләрен куллану тыела. Шулай ук ачык ут һәм конструкция эчендә һаваны җылыту хисабына күтәрелә торган янучан материаллардан идарә ителми торган эшләнмәләрне эшләтеп җибәрергә ярамый.

Район башлыкларына торак пунктларда вакытлыча янгынга каршы постлар оештыру йөкләнде. Моннан тыш, урманнарны коры-сарыдан, ауган агачлардан һәм кисү калдыкларыннан чистартырга кирәк.

Кызыклы яңалыкларны күзәтеп бару өчен Вконтактега кушылыгыз.