16+

Уйламаган җирдән акча керер: йолдызнамә (3-10 март)

Берьюлы берничә эш белән шөгыльләнергә әзер булыгыз. Моның әҗере дә озак көттермәс. Чакырган җиргә барудан баш тартмагыз. Яңа эш тәкъдим итсәләр, барыгыз.

Уйламаган җирдән акча керер: йолдызнамә (3-10 март)

Берьюлы берничә эш белән шөгыльләнергә әзер булыгыз. Моның әҗере дә озак көттермәс. Чакырган җиргә барудан баш тартмагыз. Яңа эш тәкъдим итсәләр, барыгыз.

Кучкар (21 март – 20 апрель) Кучкарлар игътибар үзәгендә кайнаячак. Эштәгеләр белән мөнәсәбәтләр уңай якка үзгәрер: аларны ныграк хөрмәт итә һәм фикеренә колак сала башларлар.

Үгезбозау (21 апрель – 20 май) Очраклы танышулар, кызыклы очрашулар күп булачак. Карашлары сезнекенә капма-каршы булган кешеләр белән аралашу фикерегезне үзгәртәчәк, кешеләрне яхшырак аңларга ярдәм итәчәк.

Игезәкләр (21 май – 21 июнь) Көннәрегез төрле дәүләт оешмаларына йөгереп йөрү, күчемсез милек белән бәйле документларны рәсмиләштерү белән үтеп китәр ахры.

Кысла (22 июнь – 22 июль) Акча белән бәйле мәсьәләләр бик җайлы хәл ителер. Сез уйлап та карамаган чыганаклардан акча керер, бурычлы Кыслалар бурычларыннан котылыр.

Арыслан (23 июль – 23 август) Бу көннәрдә артык тәвәккәл адымнар ясамагыз, күп сөйләшмәгез. Бу сезгә хаталардан, өстегезгә кирәкмәгән йөк алудан качарга мөмкинлек бирәчәк.

Кыз (24 август – 23 сентябрь) Сездән сабырлык таләп ителә. Көтелмәгән хәлләр аркасында планнарыгызны үзгәртергә, бәлки кайбер Кызларга ерак юлга чыгып китәргә туры килер.

Үлчәү (24 сентябрь – 23 октябрь) Эшегез тавык чүпләп бетермәстәй күп булса да, борчылмагыз. Сез кайсы эшне алданрак, кайсын соңрак эшләргә икәнен яхшы беләсез, юк-барга вакытыгызны сарыф итмисез, шуңа күрә, сезнең барысы да яхшы булачак.

Чаян (24 октябрь – 22 ноябрь) Беренче планга хисләр чыкканга күрә, вакыйгаларны бик үк дөрес бәяләп бетермәвегез дә ихтимал. Сезгә элек битараф кебек булып тоелган кеше сезнең белән ачыктан-ачык кызыксына башлар.

Укчы ( 23 ноябрь – 21 декабрь) Гаиләгә кагылышлы мәсьәләләргә беренче чиратта хәл итәргә кирәк булачак. Бу исә гаиләдәгеләр белән мөнәсәбәтләрне ныгытуга китерәчәк. Шул рәвешле сез берюлы ике куянны койрыгыннан тотарсыз.

Кәҗәмөгез (22 декабрь – 20 гыйнвар) Кәҗәмөгезләрнең тормышында романтик мөнәсәбәтләр бөреләнеп килә. Сөйгән кешегезгә хисләрегезне белдерергә курыкмагыз, бу аның да сезгә карата хисләрен ачыкларга ярдәм итәчәк.

Сукояр (21 гыйнвар – 18 февраль) Яңа мөмкинлекләр, яңа ачышлар вакыты. Форсаттан файдаланып калырга кирәк, чөнки ул тормышыгызда уңай үзгәрешләргә китерәчәк. Тимерне кызуында сугыгыз - үкенмәссез.

Балык (19 февраль – 20 март) Берьюлы берничә эш белән шөгыльләнергә әзер булыгыз. Моның әҗере дә озак көттермәс. Чакырган җиргә барудан баш тартмагыз. Яңа эш тәкъдим итсәләр, барыгыз.

Язмага реакция белдерегез

1

0

0

0

0

Реакция язылган инде

Комментарийлар

Мөһим

loading