Юл иминлеге инспекторлары үзгәрә

Үзгәрешләр кертелсә, инспекторлар машинаны юл-патруль хезмәте постларында гына түгел, теләсә кайда туктата алачак. Ришвәт тәкъдим итсәләр, инспекторларның махсус сигнал аша бу хакта Эчке эшләр министрлыгына хәбәр бирү мөмкинлеге дә туачак. Машина йөртүчеләр белән сөйләшкәндә, инспекторлардан тагын да ягымлырак, әдәплерәк булу таләп ителәчәк. Шулай ук инспекторга автомобиль хуҗасы янында тәмәке тарту, дорфа сөйләшү дә тыела. Шоферны медицина тикшерүе узарга алып килгән инспектор аны кире машинасына кадәр илтеп тә куярга бурычлы булачак икән.