Шәһри Казан

Кече һәм урта бизнеска – 100 млрд сум

2014 елда Россиянең милли муллык фондыннан кече һәм урта бизнеска 100 млрд сумлык ярдәм бүленергә мөмкин.

Реклама

РФ икътисади үсеш министры Алексей Улюкаев Хөкүмәт утырышында әлеге фондтан бүленәчәк сумманы депозит рәвешендә Внешэкономбанкка урнаштыру тәкъдимен керткән иде. Ә менә РФ финанс министры Антон Силуанов моңа каршы. Милли муллык фонды чаралары бары аларның саклануын һәм азмы-күпме керем китерүен тәэмин итәрлек ышанычлы активларга гына урнаштырыла ала, дип саный ул. Россия Үзәк банкы башлыгы Эльвира Нәбиуллина кече һәм урта бизнеска ярдәм чараларын милли муллык фондыннан түгел, ә башка чыганаклардан бүлеп бирү юлларын карарга чакыра.
Премьер-министр Дмитрий Медведев, бу мәсьәләгә ачыклык кертү һәм ахыргы тәкъдимнәр әзерләү өчен, Хөкүмәт әгъзаларына бер ай вакыт бирде.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: