Шәһри Казан

Татарстан эшмәкәрләре: «Безгә комачауламасалар, иң зур ярдәм шул булыр иде»

Татарстан бизнес алып бару һәм инвесторларны җәлеп итү өчен иң уңайлы төбәкләрнең берсе санала. Үз эшләрен ачкан, эшмәкәрлек белән шөгыльләнергә теләгән кешеләр өчен нинди генә программалар, грантлар, ярдәмнәр каралмаган. Шул ук вакытта җирлекләргә барып ярдәм алдыгызмы, дәүләт ярдәмен тоясызмы, дип сораша башласаң, күпчелек бер төсле җавап ишетәсең: безгә комачауламасалар, иң...


Эш нәрсәдә соң? Нигә эшмәкәрләребез уңайлы мохиттә үзләрен уңайсыз тоялар? Татарстан Президенты каршындагы Эшкуарлар хокукларын яклау буенча вәкаләтле вәкил Тимур Нагуманов командасы, әлеге сорауга ачыклык кертергә тырышып, республика буенча сораштыру үткәргән. Һәрбер районнан - 100, Казан һәм Түбән Кама шәһәрләреннән 250шәр эшмәкәр 40 сорауга җавап биргән.

Хәзергә 15 сорау буенча нәтиҗә ясалган. Аннан күренгәнчә, эшмәкәрләргә акчалата ярдәмнән дә бигрәк җирлектәге җитәкчеләрнең алар белән ачыктан-ачык сөйләшүләре, проблемаларын аңлаулары җитми. 76 процент эшмәкәр җирле җитәкчеләрнең үзләренә булган мөнәсәбәтеннән канәгать түгел. Бер уйласаң, бу бик зур сан. Шуңа ук бәйле рәвештә дияргә була, сораштыруда катнашучыларның 56 проценты җитәкчелекнең бөтен эшмәкәрләргә дә тигез шартлар тудырмавыннан зарланган. Кычкырып әйтергә курыксалар да, һәркемгә мәгълүм чынбарлык: район башлыгының якыны, кода-кодагые булмасаң, синең бизнесыңның киләчәге шикле булырга мөмкин.

Реклама



- Эшмәкәр үзен туендыра, башкаларны эш белән тәэмин итә, салым түли. Аларга карата игътибарлырак булырга, сүзләренә колак салырга кирәк. Бу бит сезнең кешеләр, сезнең эшмәкәрләр. Алар белән эшли белергә кирәк. Без түрәләр генә хаклы булып, башкалар надан булып чыгамы? Без барыбыз бер көймәдә. Кеше бизнес белән шөгыльләнергә тели, түрәләр шуны аңламый, - диде Рөстәм Миңнеханов эшмәкәрләр белән чираттагы очрашуда.

Җылылыкка, электр энергиясенә, суга тоташтыру өчен рөхсәт кәгазен алу һәрбер эшмәкәрнең җанына уелып язылып куядыр, мөгаен. «Коммуникацияләр челтәренә тоташтыру сезнең өчен катлаулымы?» - дигән сорауга 66 процент эшмәкәр - газга, 56 проценты - җылылыкка, 49 проценты электр энергиясенә тоташтыру авырлыклар тудыра, дип җавап биргән.

Шулай да эшмәкәрләрне иң куркытканы - күзәтчелек органнарының әледән-әле тикшерүгә килүләре. Сораштыруда катнашучыларның 65 проценты дәүләт органнарының тикшерүчеләрен кабул иткән.
Тикшерүчеләр арасында салым һәм янгын сүндерү хезмәте - лидер, өченче урында - Роспотребнадзор, алардан соң - административ һәм хезмәт инспекциясе. Күпчелек вакытта бу тикшерүләр штраф белән тәмамлана. Кисәтү дә түгел, нәкъ менә штраф. Эшмәкәрләрнең 22 проценты гына үзләренә салынган штрафларның законлы һәм нигезле булуы белән килешкән. Димәк, һәр бишенче эшмәкәргә штраф законсыз салынган.

Яла ягып тәм табалар

Бала чакта өлкәннәрнең бер абзый турында сөйләгәннәре хәтердә. Алар аның исемен дә шулхәтле куркып, пышылдап кына әйтә торганнар иде. Әнә шул абый кеше өстеннән әләкләргә, яла ягарга һәм аны дөрес итеп язып, кирәкле урынга алып барып җиткерергә бик оста икән. Хәзер исә бу бик җайлы: интернет аша кем өстеннән зарланасың килә, рәхәтләнеп зарлан. Бер уйласаң, бу хезмәт халыкка ярдәм күрсәтү йөзеннән оештырылган иде дә соң. Һәрвакыттагыча, аны кире корал итеп кулланучысы табыла. Дөресен генә әйткәндә, чын эш кешесе зарланып та йөрми, уңайсызлана.

«Полимерные материалы+» җәмгыятенең директоры Сергей Трифонов өстеннән бер кеше ун ведомствога 100дән артык шикаять язган. Әлеге эшмәкәрне тикшерергә 30га якын комиссия килгән, лаборатория тикшерүләре үткәргәннәр. Тикшерүләрнең берсе генә дә эшмәкәр кануннарны боза, кемгә булса да зыян сала дип тапмаган. Монда көләргә дә, еларга да белмәссең. Ничек инде менә шулай итеп кешенең тынычлыгын алырга, эшенә зыян салырга була һәм моның өчен беркем каршында да җавап бирәсе дә юк.

Сергей Трифонов, мондый мәгънәсез тикшерүләр бюджет акчасын да, вакытны да күп сарыф итә, бер төсле үк шикаять була икән, эшмәкәрләрне борчымаска кирәк, дигән мөрәҗәгать белән чыкты.
- Тикшерүләрдән кызык табучылар бар. Алайса түләсеннәр тикшерүләр өчен. Беренчесе бушлай булса да, калганнары түләүле хезмәт булырга тиеш. Сез бит бюджетта утырасыз, сметада. Җавап тотарга тиешме - белмим, анысын закон ничек әйтә. Берәүләр хокуклардан файдалана, икенче як зыян күрә, - дип, Рөстәм Миңнеханов әлеге мөрәҗәгатьне карап бетерергә кушты.


Ә сез нинди каршылыкларга очрыйсыз?

Фәрит Заһидуллин, ипи пешерүче, Биектау районы:

- Безнең Биектау районы башлыгы - алтын кеше. Җирле җитәкчелектән зарланучы эшмәкәрләрне белмим үзебезнең районда. Начармы, яхшымы - әйтә алмыйм, электр энергиясенә тоташтыру өчен бер ай кирәк инде. Күзәтчелек органнарыннан теге яки бу эш өчен рөхсәт язуы алуга килсәк, монда инде ишек артында утыручы кешегә карап. Тормышны белгән, урта яшьләрне узган ханым икән, ул сине аңлап ярдәм итә. Яшьләр белән эшләү бик авыр, алар җансыз робот кебек. Үзләренең тәҗрибәләре юк, белмиләр, сине тыңламыйлар. Миңа калса, иң аксаган өлкә - сәүдә. Сыйфатлы, яхшы итеп җитештерүчеләр бар безнең, инде менә шуны теге яки бу сәүдә ноктасында сатыйм дисәң, башлана мәхшәр. Хәзерге заманда «коммерческий директор» дигән вазифа бар. Алар белән уртак тел табам димә. Сәүдәне тәртипкә салмыйча, җитештерүне арттырып булмый.

Фәрит Хәлиуллин, төзелеш материаллары сәүдәсе, Казан:

- Татарстанда пропискада торам, Мари Элда сәүдә ноктабыз бар. Моннан биш ел элек әлеге кибетне электр энергиясе чыганагына тоташтырдык. Бер көн барып гариза яздым, өч көннән бригада килеп, бөтен эшләрне башкарып китте. Мин моның өчен бары тик 500 сум акча түләдем. Бу турыда Татарстандагы эшмәкәрләргә сөйләгәч, ышанмыйлар. Тизлеге дә аптыратты, бәясе дә. Федераль закон нигезендә эшлибез, бәясе шулай гына дип аңлаттылар.

Исемен күрсәтергә теләмәгән эшмәкәр, Теләче районы:

- Рөстәм Миңнехановның эшмәкәрләр белән булган очрашулары турында бөтен материалларны укып, тапшыруларны карап барам. Соңгысында 76 процент эшмәкәр, җирле җитәкчелектән канәгать түгел, диде. Минем уйлавымча, әлеге сан тагын да зуррак. Минем дә исемемне язсагыз, проблема тудырасыз инде. Үз эшемне оештырганда ни генә күрмәдем, нинди генә шикаятьләр язмадылар... Берәр бәйрәмгә, сабан туена бүләк бирми, ярдәм итми кара син!

Нравится
Поделиться:
Реклама
Комментарии (0)
  • 25 февраля 2018 в 15:12
    Әнгам Атнабаев шигырьләре Әнгам Атнабаев: «Менә шулай» Көн дә иртән «Великая Русь» дип, Уяталар урыс чаңнары… Менә тагын урыс кышы җитте, Көрәп ява урыс карлары.
    70
    0
    1
  • 25 февраля 2018 в 12:22
    Татарларда туй йолалары Татарларда – туй иң зур гаилә бәйрәме. Байлар, урта хәллеләр турында әйтеп тә торасы юк, хәтта ярлылар да, үз якыннарын кунак итәр өчен, соңгы тиенен дә кызганмыйлар. Шундый затлы мәҗлестә миңа иң кадерле кунак сыйфатында түрдә утырырга туры килде.
    74
    0
    2
  • 25 февраля 2018 в 10:35
    Агросәнәгать паркының беренчесе Зәйдә булачак Татарстан Президенты үзенең еллык юлламасында районнарда агросәнәгать паркларын булдыру турында әйткән иде. Әлеге мәсьәләдә нинди яңалыклар бар икән? Беренче парклар кайда ачылачак? Илнур Абдуллин, Биектау.
    62
    0
    0
  • 25 февраля 2018 в 09:12
    Без русчаны татар теле аша өйрәндек Без мәктәптә фәннәрне татарча укыдык. Әлки районының Төгәлбай авылында 1930 елларда колхозлар оешкач, беренче мәктәп ачыла. Югары белемле мөгаллим Сөнгатулла Муллинны әле дә хәтерлим. Мәктәптән тыш, теләгән кешеләрне ул кичләрен җыеп укырга өйрәтә иде. Мин 1945 елда беренче сыйныфка кердем. 
    58
    0
    0
  • 24 февраля 2018 в 18:43
    Салават Фәтхетдинов: “Туган якны сагынып елый идем” “Армиядә хезмәт итеңме?” – дигән сорау мине һәрчак кыен хәлдә калдыра, чөнки мин “стройбатта”, акча эшләп яттым.
    254
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    209
    0
    2
  • 24 февраля 2018 в 13:14
    330
    0
    4
  • 24 февраля 2018 в 12:09
    Уяну Бу тарихны безгә алкоголизмнан дәваланган ханым сөйләде. 
    199
    0
    2
  • 24 февраля 2018 в 11:08
    Помидорның ниндиен сайларга? Баллы помидорлар (черри сортлары): Бусинка, Сладкий фонтан, Волшебная арфа, Черри Ира, Чезаре (F1 гибридлы сортлар).
    214
    0
    1
  • 24 февраля 2018 в 10:05
    Акыллы кеше аздан гына да бәхетле, ә ахмакка һәрвакыт җитми Иҗат – гүзәл гамь ул, иң югары дәрәҗәдәге изге тынгысызлык ул.  Хәсән Туфан.
    94
    0
    0
  • 24 февраля 2018 в 05:11
    Сәламәтлек комбинаты урынында нәрсә булачак? Шәһәр уртасында бөтен кеше яратып йөргән Сәламәтлек комбинатын җир белән тигезләп куйдылар. Хәзер ул урынны койма белән уратып алганнар. Монда нәрсә булачак икән? Берәр сәүдә күңел ачу үзәге төзергә уйлыйлармы, әллә комбинатны яңартачаклармы?  Сөләйман Шакиров, Казан.
    156
    0
    0
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    382
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    487
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    879
    0
    2
  • 25 февраля 2018 в 16:08
    Сине бар да “яратачак”, алтын медаль алмасаң
    Җилдән җитез унбиш яшьлек кыз бала катлаулы элементлар ясап, боз өстенә бизәкләр төшереп, миллионлаган спорт сөючене шатландырып чыгыш ясаганда тыныч күңел белән карап утырып буламыни ул! Бу бит беренче, күптән көтелгән алтын, аяк чалучылар корган киртәләрне ватып-җимереп  күпләрнең авызын томалар өчен җавап!
    388
    0
    6