Ак гөмбәдән тәмле аш пешерү ЫСУЛЫ

Гөмбәне, өстенә ике стакан су салып, алты сәгать тотасың. Шул ук суда пешереп сөзәсең. Суганны вак итеп турап, сыер маеның яртысында кыздырасың. Гөмбә шулпасына майның калган яртысын һәм каймак саласың. Сөзеп алынган гөмбә белән суганны икенче бер кәстрүлгә салып, өстенә каймаклы шулпаны агызасың һәм газ мичендә җылытып аласың. Кайнатып чыгарырга кирәкми. Өстенә яшел тәмләткеч салып ашыйсың.