#Киңәш сандыгы 16 августа 2020, 18:26 Уку өчен 2 минут

Баклажан салаты

16 августа 2020, 18:26

Уку өчен 2 минут

Иң элек томат пюресы ясар өчен 3 кг помидор, 6 зур кишер, 1,5 кг татлы борыч, 3 кг баклажан, 2 баш сарымсак, 250 гр үсемлек мае, 250 гр аш серкәсе, 0,5 л шикәр комы, 1-2 аш кашыгы тоз кирәк булачак.

Скопировать ссылку

Беренче булып 3 кг помидорны иттарткычтан чыгарабыз. Шуңа, угычтан чыгарылган кишерне өстибез. Помидор белән кишерне кәстрүлгә салып, пешерергә куябыз. Алар пешкән арада, баклажан белән борычны әзерли торабыз. Борычны төшләреннән араларга һәм эре итеп турарга кирәк. Бик вак турасагыз, пешергәндә ул изелеп бетәчәк. Баклажанны шулай ук 4-5 см киңлектә калдырып турыйбыз. Кайнап торган помидор белән кишергә, беренче

итеп баклажаннарны, аннары борычны салабыз. Шунда ук үсемлек мае да салырга онытмаска. Тоз, шикәр комын да кушып, кәстрүлнең капкачын ябабыз һәм яшелчәләрне пешерәбез. Яшелчәләр пешкәндә, берничә тапкыр болгатып алырга була.

Күпме пешерү исә хуҗабикәнең үзеннән тора. Гадәттә, яшелчәләрне 30-40 минут пешерергә кирәк. Теләгән кеше озаграк та пешерә ала. Баклажаннар пешеп, чәнечке белән чәнчеп алырлык дәрәҗәгә җитсә бик әйбәт.

Яшелчәләр пешеп җиткәннән соң, кәстрүлгә 250 гр аш серкәсен салып бутарга. Соңыннан массаны банкаларга тутырабыз. Бу рецепттан якынча 7 литр салат чыга.
Фото:https://pixabay.com/

Кызыклы яңалыкларны күзәтеп бару өчен Вконтактега кушылыгыз.

#салат #РЕЦЕПТЫ #баклажан