Әфлисун файдалы да, зыянлы да

Иммунитетны күтәрә, С витаминына бай, шуңа да салкын тигәндә файдалы. Әлеге җимеш яшәртә, тән тиресен яхшырта, токсиннардан арындыра, нәтиҗәдә, ябыктыра, йөрәк-кан тамырлары авыруларын кисәтергә ярдәм итә, кан басымын төшерергә булыша.

Зыяны
Аллергияле кешеләргә, өч яшькә кадәрге балаларга, шикәр диабетлы кешеләргә, ашкайнату системасы авырулары булганнарга саклык белән ашарга киңәш ителә. Әфлисун теш эмаленә зыян китерергә мөмкин. Шуңа да аны ашаганнан соң йә согын эчкәч, тешләрне чистартырга, авызны чайкатырга кирәк.