#Киңәш сандыгы 27 декабря 2019, 16:45

Капкейк пешерү ЫСУЛЫ

27 декабря 2019, 16:45

Камыр өчен: 80 гр сыер мае (йомшартып, эретәсе түгел), 100 гр шикәр комы, 2 йомырка, 6 гр (1 чәй кашыгы) камыр көпшәкләндергеч, 1 кап ванилин, 150 гр он, 50 мл сөт, чеметем тоз.

Скопировать ссылку

Крем өчен: 300 гр эремчек сыры (мин «Креметте» кулланам), 130 мл 33 процентлы каймак (сливки), 70 гр шикәр оны (сахарная пудра).
Савытка эремчек сыры, шикәр оны һәм каймак салып, миксер белән күпертәсе, әзер кремны суыткычка куясы.

Камыр өчен йомшак майны шикәр комы белән бергә миксер ярдәмендә күпертәсе, аннан йомырка кушып болгатасы. Онга ванилин, көпшәкләндергеч, тоз кушып болгатасы һәм алдагы массага кушып, миксер белән болгатуны дәвам итәсе, сөт өстисе. Бертөрле камыр массасы барлыкка килгәч, капкейк пешерәсе савытларга бүлеп саласы. Бер рецепттан 12 капкейк чыга.

140 градуска кадәр җылыткан газ мичендә кызарганчы пешерәсе.
Капкейклар суынгач, өстенә кремны матурлап куясы яки кремсыз да бик тәмле.

Мин уртасын тишеп, куертылган сөт салдым. Өстен үзегез теләгәнчә бизи аласыз.

Кадрия Ишмурзина, Кукмара