Шәһри Казан

Карабодайдан бөккән РЕЦЕПТЫ

2020 елда иң күп алынган продуктның нәрсә икәнен беләсезме? Әлбәттә, карабодай ярмасы. Узган елгы запасларны тизрәк бетерү өчен, сезгә бик тә үзенчәлекле рецепт тәкъдим итәбез. Карабодайдан пешерелгән бөккән ашаганыгыз юктыр әле.

Камыр өчен кирәк булачак:
200 гр сөт, 200 гр җылы су, тоз, 3-4 аш калагы май, 1 аш калагы шикәр комы, он, чүпрә. Камыр басып, аны кабарырга куябыз.
Эчлек өчен кирәк булачак:
3 суган
2 стакан карабодай
4 йомырка
Тәменчә тоз, борыч
Кыздыру өчен ак май яки үсемлек мае

Реклама

Суганны майда кыздырабыз. Шунда карабодайны өстибез һәм тагын бераз кызыдырып алабыз. Су өстәп, ярманы пешерәбез. Пешерелгән йомырканы турыйбыз һәм карабодай белән кушып болгатабыз.

Эчлек әзер.
Камырны берничә өлешкә бүлеп, зур булмаган түгәрәкләр җәябез. Эчлекне салып бөрәбез. Өстенә тугланган йомырка сөртәбез.
Майланган табага тезәбез дә 15 минутка алып куябыз. 180 градуска җылытылган пичтә 20-30 пешерәбез.
Ашларыгыз тәмле булсын!

Динара Әхмәт әзерләде

Фото: https://pixabay.com/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: