Күңел төшенкелеген ничек җиңәргә?

Иртәне җиңелчә зарядкадан башларга кирәк. Бу канны кислород белән туендырырга һәм уянырга ярдәм итә.

Иртәнге кофе алдыннан бер стакан чиста су эчәргә, иртәнге ашка әфлисун согы өстәргә була.

Көн дәвамында кофены яшел чәйгә алыштырырга, шулай ук бинаны җилләтергә һәм урамга чыгып йөреп керергә.

Өстәмә энергияне чикләвек һәм җиләк-җимеш бирә. Лимон, лаванда, розмарин, ясмин һәм наратның хуш исле майлары да кәефне яхшырта.

Ял көннәрендә артык йокламагыз, ул режимны бозарга мөмкин.