#Киңәш сандыгы 14 октября 2019, 11:10

Ни өчен өрек, күрәгәләрне суда тотарга кирәк?

14 октября 2019, 11:10

Бөтен рецептларда да диярлек кипкән җимешләрне кулланыр алдыннан яхшылап юып кына калмыйча, суда озаклап тотарга кушалар.

Скопировать ссылку

Сәбәбе – аларны сатар алдыннан, ялтырап торсын өчен, май белән эшкәртәләр. Гадәттә, моның өчен иң арзанлы май кулланыла. Ул яхшы ялтырый да. Ябышкак майга исә тузан, чүп ябыша.

Нинди шартларда сакланганнарын да белмибез. Ә менә ямьсез, караңгы төстәге җимешләрне бернәрсә белән дә капламыйлар. Аларны юарга кирәк, ә менә суда тоту мәҗбүри түгел. Мондыйларын аласыгыз килсә, тонык караңгы төстәге йөзем белән кара җимешне сайлагыз.

Кипкән өрекләрне, каралып китмәсен өчен, күкерт диоксиды белән эшкәртәләр. Бу матдәне исә юып бетереп булмый. Аны бик куркыныч дип әйтеп булмый, әмма мондый күрәгәне күп ашарга ярамый. Югары концентрациядәге күкерт диоксиды аллергия китереп чыгарырга мөмкин.

Кызыклы яңалыкларны күзәтеп бару өчен Телеграм-каналга кушылыгыз.

#җимеш #өрек #күрәгә #йөзем