С витаминының өч тиен дә файдасы юк?!

С витамины эчү салкын тиюдән сакламый, әмма авыру вакытын кыскартырга мөмкин. Телетапшырулар алып баручы танылган табиб Александр Мясников шулай ди.
Профилактик чара буларак әлеге витаминны куллануның файдасы юк дип саный ул.
Әгәр дә кеше авырып киткән икән, ул чагында С витаминын эчү тизрәк савыгырга ярдәм итәчәк. Әмма витамин мизгел эчендә булышачак дип көтәргә кирәкми.
“Авырганда аны өч-дүрт көн эчәргә була, әмма чикләрдән чыкмыйча, фанатларча түгел”, – дип аңлаткан табиб.

Фото: https://pixabay.com/ru