#Киңәш сандыгы 20 июнь 2019, 07:44

Сарымсакка нашатырь спирты кирәк

20 июнь 2019, 07:44

Сарымсакка су сипкән очракта да, кыягы саргайса, яшеле «юыла» башласа, аны тиз арада тукландырырга кирәк дигән сүз. Моның өчен ун литрлы лейкага 60 мл аммиак (нашатырь) салып, кич белән сарымсакка сибегез. Аңа кадәр туфракка чиста су сибәргә кирәк.

Скопировать ссылку

Сарымсак кыягы саргаю корткычлар аркасында да булырга мөмкин. Бу очракта ярдәмгә нашатырь спирты килә. Ул азот белән баетып кына калмый, үзенчәлекле исе белән суган чебене, кишер чебене, каты корт (проволочник), филчек (слоник) кебек зарарлы бөҗәкләрне дә куркыта. Нашатырь эремәсе әзерләү өчен 10 литр суга 25 мл аммиак салыгыз, угычтан уылган кер сабыны да салырга ярый. Кер сабынын башта кайнар суда эретегез, суынгач, катнашмага салыгыз. Эремәне ясауга ук сибәргә кирәк, югыйсә аммиак парга әйләнә. Вегетация чорында сарымсакка аммиакны атнага бер тапкыр сибәргә кирәк.

Кызыклы яңалыкларны күзәтеп бару өчен Т елеграмга кушылыгыз.