16+

Ураза тотучылар өчен бик файдалы һәм тәмле кычыткан ашы РЕЦЕПТЫ

Әле быел кычыткан ашы ашарга өлгердегезме? Өлгермәгән булсагыз, түбәндәге рецепт сезнең өчен.

Әле быел кычыткан ашы ашарга өлгердегезме? Өлгермәгән булсагыз, түбәндәге рецепт сезнең өчен.

Блогер Рафиля Шәмсетдинова инстаграмда бик тәмле кычыткан ашы рецепты белән бүлешкән.

– Ифтар өчен авыз ачканда, тиз эшкәртелә, ашказанына авырлык китерми торган җиңелчә ризыкларга өстенлек бирергә кирәк, ә сәхәр ашаганда, киресенчә - колориялерәк, итле, аксым, углеводларга бай ризыклар куллану отышлы. Бүген пешергән кычыткан ашы, миңа калса, Ифтар өчен искиткеч вариант! Җиңелчә, клетчаткага бай, витаминлы җәйге аш! - дигән ул.

Кычыткан ашы

Башта тавык шулпасы әзерлибез, итен алып, шулпаны сөзәбез. Табада кишер һәм суганны аз гына кыздырып алабыз. Мин 2 кишер, 1дәү суган алдым. Аннан кайнап торган шулпага шакмаклап туралган бәрәңге (7-8 шт.), кыздырып алган суган-кишерне салып, бәрәңге пешәр-пешмәс хәлгә килгәнче, кайнатабыз. Аннан соң туралган яшь кычыткан, кузгалак яфракларын саласы (гап-гади урамда үсүче ат кузгалагының яшь яфракларын салдым). Кычытканның күләмен яза алмыйм, хәйран салдым, тураганчы салкын су белән чайкап кына алдым. Тоз-борыч, лавр яфрагы да салырга онытмагыз. Кычыткан салгач, ашны озаклап кайнатмавың хәерлерәк, кайнап чыгуга, яхшылап тугланган ике йомырканы, әкрен генә шулпага агыза-агыза, болгатырга да, сүндереп, капкачын каплап, шул рәвешчә 30-40 минут томалап тотасы. Файдалы ашны өстәлгә каймак белән бирәсе. Һичшиксез пешерегез яме, бик тәмле аш чыннан да!!! Язгы витаминнарны файдаланырга ашыгыгыз!!! Тоткан Уразаларыбыз кабул булсын!


 

Язмага реакция белдерегез

7

0

0

0

0

Реакция язылган инде

Комментарийлар

  • аватар Без имени

    0

    0

    Ат кузгалагын ашамыйлар ич аны, ярамый.

    Мөһим

    loading