#Киңәш сандыгы 12 июля 2019, 13:41 Уку өчен 2 минут

Яшел тәмләткечләрнең файдасы турында

12 июля 2019, 13:41

Уку өчен 2 минут

Яшел тәмләткечләрнең файдасы турында электән үк белгәннәр. Әбүгалисина базиликны организмга ничек тәэсир итәсен үзе белә дип язып калдырган. Укроп, петрушка, кинза да аңардан калышмый. Бер бәйләм яшел тәмләткечтә витаминнар да, микроэлементлар да бар. Алар шулай ук минераль тозларга бай. Калий тозы йөрәк, ашказаны-эчәклек тракты эшчәнлегенә уңай тәэсир итә, организмнан артык сыеклыкны чыгара, сидек кудыру үзлегенә ия.

Скопировать ссылку

Петрушкада С витамины лимонга караганда дүрт тапкырга артыграк. Базиликта, С витаминыннан тыш, К, Е витаминнары, каротин да бар. Яшел тәмләткечләрдә антиоксидантлар да күп. Алар, нигездә, яфракларга яшел төс бирә торган каротиноидлар һәм хлорофиллар. Антиоксидант иң күбе яфракларына кызгылт, шәмәхә төс кергән тәмләткечләрдә була. Әйтик, шәмәхә төстәге базиликта һәм салат яфрагында. Бу төр антиоксидант, ягъни антоцианнар базилик белән салатның файдалы үзлеген тагын да арттыра.

Петрушка, укроп, салат, кинза, базиликта эфир майлары да бар. Бигрәк тә укропта. Шуңа да кайбер очракларда дару составына да кертәләр. Укроп эчәклектә газ җыелу процессын киметә.

Яшел тәмләткечләрне көненә бер бәйләм ашарга кирәк. Әмма аны берьюлы ашарга димәгән, көне буена һәр ашауда чи килеш кулланыгыз. Киптерелгән, консервланганнарында витаминнар бераз югала.

Кызыклы яңалыкларны күзәтеп бару өчен Вконтактега кушылыгыз.

#салат #яшел тәмләткеч #укроп #петрушка #базилик #антиоксидант #кинза