Шәһри Казан

Казан тирәсендәге начар ис бетереләчәк

Казан мэры Илсур Метшин 29 ноябрьдә “Водоканал” предприятиесенең шәһәрдән җыелган канализация суларын биологик чистарту корылмасын караганда “сасы исне бөтенләйгә онытырбыз” диде. Отар бистәсендә яшәүчеләр бу вәгъдәгә 2018 елның май аена кадәр ышанмаслар әле, мөгаен.

Ни өчен май аена кадәр? Канализация суларын чистартучы 25 бетон чокырны киләсе елның язына капкач белән тулысынча томалау һәм әлеге чокырлар өстенә һава сафландыручы механизмнар урнаштыру бурычы куелган. Биредәге сигезенче санлы чокыр-камераны инде томаларга керешкәннәр.

– Чистарту корылмасы шәһәр хуҗалыгының күптәнге баш бәласе иде, – дип, фикерләре белән уртаклашты мэр Илсур Метшин. – Проблема күптәнге дә һәм чишелеше безнең өчен кыйбат та иде. Татарстан Президенты катнашында берничә киңәшмә үткәрелде. Россиядәге һәм БДБ илләрендәге тәҗрибәнең иң яхшы үрнәкләрен сайлап алдык. Бу сасы исне, кызганычка каршы, Победилово бистәсендә яшәүчеләр генә түгел, Идел буе районындагылар да тоя. Авыр ис кайчак шәһәр үзәгенә дә килеп җитә. Чистарту корылмасы илле ел элек төзелгән. Ул вакытта шәһәр шулкадәр зураер, дип, уйламаганнар. Иң мөһиме – чишелеш табылды. Ярты елда эшне сыйфатлы итеп башкарып чыгарга һәм сасы исне бөтенләйгә онытырга.

Канализация чокырларын капкач белән каплау һәм җиһазландыру эшләре 573 миллион сумга төшәчәк. Акчаның 326 миллион сумы – республика, ә 203 миллион сумы Казан бюджетыннан билгеләнгән. “Водоканал” муниципаль унитар предприятиесе 44 миллион сумны үз кесәсеннән чыгара.

Реклама

“Водоканал” предприятиесе директоры Андрей Егоров таныштырганча, чистарту корылмасы тәүлек саен 350 мең кубометр канализация сулары кабул итә. Канализация суларын чистартканнан соң, чокырлар төбендә тәүлек саен 2500 кубометр ләм утырып кала. Әлеге калдык дистә еллар дәвамында Отары бистәсе янындагы кырга туплап барылган.

– Ләмне термомеханик эшкәртү цехы төзүгә керешәбез. Проект үзебезнең предприятие хисабына гамәлгә ашырылачак. Цехны киләсе елда төзеп чыгарга ниятлибез. Отар бистәсе янындагы кырдагы ләм бетереләчәк. Эшкәртелгән ләм туфрак сыйфатында карьерларны һәм полигоннарда көнкүреш калдыкларын томалауда файдаланылачак, – диде Андрей Егоров.

Казанда 2019 елдан Отар бистәсе янындагы кырга ләм түгү туктатыла.

Дамир Бәдриев фотолары

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
  • 16 января 2018 в 13:16
    Ник өйдә утырасыз, бабайлар?
    Казанда «Тормышны яратучылар» («Жизнелюб») клуб­ларына 5 меңнән артык кеше йөри, шуның 80 проценты – хатын-кызлар.
    94
    0
    1