Тагын тәрәзә: Әлмәттә өч яшьлек малай егылып төшеп һәлак булган
Җинаять эше кузгатылган.
Җинаять эше кузгатылган.
Кичә Әлмәттә фаҗига булды. 9 кат тәрәзәсеннән егылып төшеп, 3 яшьлек малай һәлак булган. Саксызлык аркасында үлемгә китерү буенча җинаять эше кузгатылган. Бу хакта Россия тикшерү комитетының ТР буенча Тикшерү идарәсе сайтында хәбәр ителә.
Якынча фараз буенча, фаҗига вакытында малайның әнисе кече баласы белән шөгыльләнгән. Шул вакыт малай тәрәзә төбенә менгән дә, тәрәзәне ачып, москит челтәренә таянган.
Кызганыч, әлеге җайланма баланың авырлыгын күтәрә алмый һәм сабый тәрәзәдән егылып төшкән. Фаҗиганең барлык нечкәлекләрен ачыклауга юнәлдерелгән тикшерү гамәлләре уздырыла. Җинаять эшен тикшерү дәвам итә.
Фото: http://pixabay.com/ru/
Комментарийлар