Татар җырчысы - хастаханәдә. Үпкәсенең 72 % зарарланган...

Җырчы Рәниф Вахитов, коронавирус йоктырып, хастаханәдә ята. «Бар татар илен гизеп чыккан халык жырчысы Рәниф Вахитов, үпкәсенең 72 проценты зарараланып, хастаханәдә ята. Горур егет хастаханәсен дә, палатасын да әйтмәде», — дип хәбәр итә инстаграмда алып баручы Гамил Нур.

Җырчы Гамил Нур белән ватсап аша язышкан. «Яшисем килә, Гамил дус. Шундый яшисем килә. Ташлама, дустым», — дигән ул.

«Исән-сау гына терелеп чыксын. Аллаһы Тәгаләм ташламасын. Илаһи Аллам, үзәкләргә үтеп җырлый, чын йөрәге белән. Терелсен иде берүк»;

«Җиңеллек белән савыгырга язсын»;

«Аллаһы боерса, тереләчәк! Дога кылып, Аллаһыдан сорыйбыз! Тизрәк савыксын милләттәшебез, дустыбыз», — дип, инстаграмда Рәнифкә изге теләкләр юллаганнар.

Чыганак: Татар-информ