#Кыскача яңалыклар 20 октябрь 2021, 15:16

Татарстанда эшләми торган көннәр кайчан башланачак?

20 октябрь 2021, 15:16

Татарстанда эшләми торган көннәр 23 октябрьдәнме, әллә 30 октябрьдәнме башлануын Татарстан Республикасы Президенты Рөстәм Миңнеханов белән киңәшләшкәннән соң игълан ителәчәк.

Скопировать ссылку

Республика Премьер-министры урынбасары Ләйлә Фазлыева шулай дип белдерде.

“Без Президент белән сөйләшеп, киңәшләшүгә бу хакта игълан итәчәкбез”, - диде Ләйлә Фазлыева. Киңәшмә бүген булыр дип көтелә.

Билгеле булганча, Владимир Путин 30 октябрьдән 7 ноябрьгә кадәр Россиядә эшләми торган көннәр игълан итү тәкъдимен хуплады. Вәзгыять авыр булган төбәкләрдә андый көннәр 23 октябрьдән башланырга мөмкин дип тә әйтелде. Бу исемлектә Татарстан да бар.

Кызыклы яңалыкларны күзәтеп бару өчен безнең МАХ каналына кушылыгыз.

#Владимир Путин