Татарстанда кышкы каникуллар күчәме, юкмы?

Татарстанда эпидемиологик хәл аркасында мәктәп каникулларын күчерергә уйламыйлар. “Республикада тулысынча ябык мәктәпләр юк”, – дип белдерде Министрлар Кабинетында узган брифингта Татарстанның мәгариф һәм фән министры Илсур Һадиуллин. Шуңа күрә яңа ел каникуллары планлаштырылган вакытта узарга тиеш. Бүген республиканың 66 мәктәбендә 395 сыйныф укучылары чирләүчеләр күп булуы аркасында башкалардан читләштерелгән. Бу сыйныфтагы балаларның 20 проценты авырый дигән сүз. Алар башкаларга йоктырмас өчен карантинга җибәрелгән. Яңа ел бәйрәмнәренә шулай ук температурасы яки ОРВИ билгеләре булган балаларны шунда ук өйләренә кайтарып җибәрү өчен фильтрлар эшләячәк. Татарстанда эпидемиологик хәл аркасында мәктәп каникулларын күчерергә уйламыйлар.