Валидә белән җария: сөяркәсен бала тудыру йортыннан алып чыккан Тиматида көләләр

Әлеге зур вакыйга - бала тудыру йортыннан чыгу вакытында төшерелгән фотолар сериясен Тимати инстаграмга куйганнан соң, аны котлаучылар гына түгел, ә аннан көлүчеләр дә табылган. Нәсел дәвамчысын каршы алырга реперның кызы Алиса һәм әнисе Симона Юнысова да килгән.

Тимати иҗатын яратучы тамашачы "бәхетле гаилә" фотосына карап сокланып, котлап мәш килгәндә, блогер Лена Миро алардан көлеп маташа. Ул аларны "Великолепный век" сериалындагы геройларга тиң күрә.

«Живой журнал» йолдызы Лена Миро фотоны якынайтып, йөзләргә игътибар бирергә куша, аннары болай дип яза: "Бала табу йортыннан чыгу - шәп фото дип саныйм. Бигрәк тә фотода битләрне якынайтып караганда: мыскыллы карашлы вәлидә һәм мәңгелеккә дучар - җария, - дип киная белән язган ул Telegram-каналында.