1 сентябрьдә бәйрәм линейкаларына ата-аналарны кертәчәкләрме?

Татарстан мәктәпләрендә бәйрәм линейкаларын ата-аналар да карый алачак. Бу хакта Татарстан Роспотребнадзоры җитәкчесе урынбасары Любовь Авдонина хәбәр итте.
" Ата-аналар да киләчәк, чикләүләр юк, әмма без аларны прививка ясатырга чакырабыз", - дип билгеләде ул.
Роспотребнадзор линейкаларны ата-аналарны да чакырып, урамда, параллельләр буенча үткәрергә киңәш итә. Гамәлдәге коронавируска каршы чараларны үтәү мәҗбүри булып тора.