14 минут эчендә үлемнән коткарганнар

65 яшьлек бер ир-ат балконга саф һава суларга чыккан булган.  Кинәт аның күкрәк турысыннан йөрәге чәнчергә тотынган.

Тиз арада ашыгыч ярдәм хезмәте чакырткан. Ир-атны шәфкать туташлары туры хастаханәгә операция өстәленә китергәннәр. Табиблар тыгылган кан тамырларын чистартырга керешкәннәр. Гадәттә мондый операцияләр уртача ярты сәгать дәвам итә. Ә бу юлы Чаллы табиблары рекорд куйган: операцияне 14 минут эчендә төгәлләгәннәр.