19 яшьлек кызны «дус»ты исеменнән алдаганнар

Район эчке эшләр бүлегеннән алынган мәгълүматларга караганда, шәһәрдә яшәүче 1999 елгы кызның “ВКонтакте” социаль челтәрдәге битенә смс-хәбәр килә. Анда дус кызы телефонына 3 мең сум акча салуын үтенә. Кыз аның гозерен үтәп, 1500 сум акча сала. Шуннан соң дус кызына телефонга акча барып җитү-җитмәвен сорап шалтырата, тегесе бернинди дә акча сорамавын әйтә. Чынлыкта исә мошенниклар, дус кызының шәхси битенә кереп, әлеге кыз белән элемтәгә чыкканнар, акча сораганнар.