#Кыскача яңалыклар 27 июля 2020, 09:52

300 меңгә кадәр штраф: законсыз үткәрелгән техник күзәтү өчен җинаять җәзасы көтә

27 июля 2020, 09:52

Автомобильләргә законсыз рәвештә техник күзәтү үткәргән өчен бүгенге көннән башлап җинаять җәзасы каралган. Мондый гамәл өчен 300 мең сумга кадәр штраф салынырга мөмкин. Башка төрле җәзалар дә бар.

Скопировать ссылку

27 июльдән тиешле аккредитация булмаган килеш, автомобильләргә техник карау уздыру өчен җинаять җаваплылыгы каралган.

"Эшлекле Россия" эксперт үзәге җитәкчесе Екатерина Авдеева сүзләренчә, бу мәсьәләдә сүз техосмотр башкаручы эшмәкәр өчен чираттагы лицензия алу турында бармый, ә нәкь менә товар һәм куркынычсызлык хезмәтләре сыйфаты мөһим.

ТАСС мәгълүматлары буенча, җинаять өчен 300 мең сумга кадәр штраф каралган. Шулай ук хөкемгә тартылган затка хезмәт хакы яисә башка кереме күләмендә ике елга кадәрге чорда штраф салынырга мөмкин. Тәртип бозучы 480 сәгатькә кадәр мәҗбүри эш җәзасына тартылырга яисә алты айга кадәр кулга алынырга мөмкин.