69 яшьлек пенсионер самокаттан егылган

Электр белән хәрәкәт итә торган самокатлар яшьләр арасында аеруча популяр. Хәер, пенсионерларга да ошый икән мондый самокатлар. Тик кайберәүләр мөмкинлекләрен бәяләп бетермичә, күңелсез хәлләргә юлыга. Казанда да бер 69 яшьлек пенсионер электр белән эшли торган самокатта барганда идарәне югалтып каты егылган. Ул тизлекне арттырган булган.  Җитди имгәнгән, баш мие селкенгән, бите җәрәхәтләнгән, арка баганасына зыян килгән.