Аэропорт исеменә тавыш бирергә өлгер!

“Россиянең бөек исемнәре” проектының хәлиткеч этабы башланды.30 ноябрь халыкара аэропорт исемнәренә тавыш бирүнең соңгы көне. Әлегә тавыш бирү нәтиҗәләре буенча, “Казан” аэрпортына – татар шагыйрьләре Габдулла Тукай, Муса Җәлил яки совет авиаконструкторы Андрей Туполев, “Бигеш” аэропортына Сәйдәшев, Менделеев, Шишкин, Лемаев исемнәре бирелергә мөмкин. Кайсы исем сайланачагын халык хәл итә. Һәркем үз тавышын ВеликиеИмена.рф сайтында, «ВКонтакте» һәм «Одноклассники» социаль челтәре аша, 8-800-707-93-17 номеры буенча юллый ала. Шулай ук самолет бортында, аэропортлардагы пунктларда анкета тутырып та тавыш бирергә була.

Иосиф Дискин, Россия Иҗтмагый палатасы советының әгъзасы:

– “Казан” аэропортына татар халык шагыйре Габдулла Тукай исемен бирергә кирәк дип уйлыйм. Ул заманча татар телен тудыручы. Аэропортны Тукай исеме белән атау идеаль вариант. Татарның милли мәдәниятен, ана телен саклап калуда да бу бер адым булыр иде. Ә “Бигеш” аэропортына килгәндә,аңа Татарстан үсеше өчен зур өлеш керткән беренче Президентыбыз, хәзер Дәүләт киңәшчесе Минтимер Шәймиев исемен бирер идем. Кызганыч, исемлектә Шәймиевның кандидатурасы юк.