#Кыскача яңалыклар 25 июня 2020, 21:33

АКШта Хрущевның улы вафат булган

25 июня 2020, 21:33

КПСС Үзәк Комитетының элеккеге беренче сәркатибе Никита Хрущевның улы Сергей Хрущев башына коралдан атудан үлгән.

Скопировать ссылку

Моны ТАСС хәбәрчесе белән әңгәмәдә Род-Айленд штатының сәламәтлек саклау департаменты матбугат хезмәте җитәкчесе Джозеф Уэнделкен раслаган.

"Әйе, үлем сәбәбе - башына коралдан ату, - диде ул. - Без сәбәп турында гына сөйли алабыз, мотивларга килгәндә, бу - полициягә бәйле сорау булырга мөмкин". Ул билгеләп үткәнчә, булган мәгълүматларга караганда, "сүз җинаять турында бармый". Элегрәк бу хакта Associated Press мәгълүмат агентлыгы хәбәр иткән иде. Материалда шулай ук Кранстон полиция идарәсе вәкиле Тодда Паталано шәрехләре китерелә. Ул хәбәр иткәнчә, сүз җинаять турында бара дип уйларга сәбәп юк.

АКШта 84 яшьлек Сергей Хрущевның үлеме турындагы мәгълүматны элеккеге совет лидерының оныгы Нина Хрущева ТАССка 18 июньдә раслаган.

Фото: ТАСС

Кызыклы яңалыкларны күзәтеп бару өчен Телеграм-каналга кушылыгыз.

#Хрущев