#Кыскача яңалыклар 20 августа 2021, 11:44

Актанышта – август киңәшмәсе

20 августа 2021, 11:44

Бүген Әлфия Афзалова исемендәге мәдәният йорты базасында мәгариф һәм фән хезмәткәрләренең «Татарстан Республикасы мәгарифе – һәркем өчен мөмкинлекләр территориясе» республика август киңәшмәсе секциясенең пленар утырышы уза.

Скопировать ссылку

Утырыш эшендә Татарстан Республикасы Мәгариф һәм фән министры Илсур Һадиуллин, мәгариф һәм фән өлкәсендә күзәтчелек буенча Федераль хезмәт җитәкчесе Анзор Музаев, Актаныш муниципаль районы башлыгы Энгель Фәттахов, Татарстан Республикасы Мәгариф һәм фән Министрлыгы вәкилләре, Татарстан Республикасы муниципаль берәмлекләренең башкарма комитетлары җитәкчеләре, муниципаль районнарның мәгариф бүлекләре башлыклары катнаша.

Пленар утырыш алдыннан кунакларга Шәрип Шәймиев музей-йорты, «Бабайда кунакта» мәдәният һәм ял паркы, Актаныш авылының 7 нче балалар бакчасы, «Актаныш башлангыч гомуми белем бирү мәктәп-балалар бакчасы», «Советлар Союзы Герое Хәсән Заманов исемендәге Актаныш кадет интернат-мәктәбе», «Адымнар - Актаныш» полилингваль комплексы эшләре белән танышу өчен маршрутлар буенча экскурсия тәкъдим ителәчәк.