Алданучылар "Финико" хуҗаларын җәзага тартуны сорыйлар

Интернетта Россия Президенты Владимир Путин, Татарстан Президенты Рөстәм Миңнеханов һәм Генераль прокуратурага адресланган петиция барлыкка килгән. “Финико”ны оештыручы Кирилл Доронинны, учредительләр Эдвард Сабиров, Марат Сабиров, Зыгмунт Зыгмунтовичны, шулай ук Динә Габдуллина белән Илгиз Шакировны җинаять җаваплылыгына тартуда ярдәм итүегезне сорыйбыз” диелә мөрәҗәгатьтә. Петиция авторы белдергәнчә, “алар, челтәрле маркетинг технологиясен кулланып, пирамидага кеше җәлеп итү белән шөгыльләнгәннәр”. Петициядә җинаять эше ачуны, ялган юл белән керткән кертемнәрне кире кайтаруны сорыйлар. Аңа 755 кеше кул куйган инде.