#Кыскача яңалыклар 25 ноября 2019, 12:04

Алименттан качып йөргән атаны тапканнар

25 ноября 2019, 12:04

Казанда алимент түләмәгән өчен федераль эзләнүдә булган 45 яшьлек ир-ат тоткарланды.

Скопировать ссылку

Казанда алимент түләмәгән өчен федераль эзләнүдә булган 45 яшьлек ир-ат тоткарланды.

Башкала үзәгендәге Мартын Межлаук урамында патрульдә булган экипаж торак йорт подъездлары тирәсендә шикле кешене күреп ала. Ир-ат тышкы кыяфәте буенча эзләнүгә игълан ителгән кешегә охшаш булып чыга. Документларын тикшерү вакытында авылда яшәүче 45 яшьлек бу ирнең быелның сентябрь аеннан бирле Җинаять кодексының 157нче маддәсе буенча («Балигъ булмаган баласына алимент түләмәгәне өчен») федераль эзләнүгә игълан ителүе ачыкланды. Хәзерге вакытка кадәр хокук сакчыларыннан качып йөргән ул. Ир-атны тоткарлап, полиция хезмәткәрләре кулына тапшыралар.

Татарстан Росгвардия идарәсенең матбугат хезмәте

Кызыклы яңалыкларны күзәтеп бару өчен Телеграм-каналга кушылыгыз.