Алла ярдәм бирсен! Мәскәү кешесе бер миллиард сум акча откан!

Яңа ел алдыннан бик күпләр төрле лотереядә катнашабыз һәм зур акчалар, я, булмаса, фатир-автомобиль отабыз дип, лотерея билетлары алырга ашыга. Быел да андыйлар шактый булды.

Дөрес, бәхет бик сирәкләргә генә елмая. Шундыйларның берсе Мәскәү кеше булды. Бу хакта "Российская газета" хәбәр итә.

Газета хәбәрләренә караганда, Россия тарихында әле беренче тапкыр миллиард сум уйнатылган. Яңа ел уңаеннан оештырылган уйнатуда 53 миллионнан артык билет иясе катнашкан. Ә миллиард сумны китергән билет хуҗасы исә аны 100 сумга сатып алган була. Аңлашыла ки, җиңүченең исеме аталмый, аны Мәскәү лотерея үзәгенә чакырганнар.

Алла ярдәм бирсен бу адәм баласына....