Алты хатын-кыз һәм ике ир-егет: барысы да бер машинада батып үлгән

Волгоград өлкәсендәге бер бакча ширкәте янындагы сугару каналында сигез кеше һәлак булган машина табылган. Бу хакта Русия Эчке эшләр министрлыгының Волгоград өлкәсе буенча Баш идарәсе матбугат хезмәтендә хәбәр итәләр. Башлангыч мәгълүматларга караганда, "Reno Logan" автомобилен йөртүче 28 яшьлек ир машинага идарә итә алмаган һәм сулыкка төшкән. Машина салонында алты хатын-кыз һәм ике ир-егет була. Алар барысы да һәлак булган, дип яза Кызыл таң.