«Алтын каләм» җиңүчесе билгеле. Котлыйбыз!!!

“Алтын каләм” фестивале тәмамланды. Бу минутларда аның җиңүчеләре  билгеле. Татар журналистикасында – Әтнәдән Булат Мөхәммәтҗанов, рус журналистикасы юнәлешендә Анастасия Миронова Гран-при яулады.
– Барысы өчен дә зур рәхмәт. Беренче тапкыр катнашам. Мондый зур уңышларга ирешермен дип уйламаган идем. “Алтын каләм” миңа зур ишекләр ачты, – диде Булат.
Булат фестиваль дәвамында “Алтын каләм”нең Президенты итеп тә сайланды. “Булат президент сайлауларында җиңеп чыкты. Фестиваль Президенты буларак аңа әле ел дәвамында эшләргә туры киләчәк”, – диде җиңүчене котлап Татарстан Дәүләт Советы депутаты, “Алтын каләм”нең әйдәп баручысы Римма Ратникова.