#Кыскача яңалыклар 18 сентября 2021, 11:02 Уку өчен 2 минут

Артем Прокофьев: “Татарстанда тавыш бирү нәтиҗәләренең югары булуы сюрприз түгел”

18 сентября 2021, 11:02

Уку өчен 2 минут

Россия Федерациясе коммунистлар партиясе әгъзасы, Татарстан Республикасы Дәүләт Советы депутаты Артем Прокофьев быелгы сайлаулар өч көн дәвам итсә дә, барыбер дә сайлаучыларның күпчелеге сайлау участокларына ял көне – 19 сентябрьдә килер дип уйлый.

Скопировать ссылку

Чөнки бу элеккедән, аңыбызга кереп калган гадәт – сайлуга төп көндә килү.

Сайлау кампаниясенең беренче көне нәтиҗәләреннән чыгып караганда, Татарстан быел 2016 елгы сайлаулар нәтиҗәсен – 80 %ны куып җитәр дигән өмет бар ди ул. "Бездә республика гадәттәгечә югары килү белән аерылып тора һәм, әлбәттә, минем өчен тавыш бирергә килүчеләрнең саны югары булу сюрприз булмады", - дип өстәде ул.

"Безнең күзәтүчеләр җитди хокук бозуларны теркәмәде. Без бу мәгълүматны гомумиләштерәбез. Мин ышанам, 19 сентябрьдә һәм бүген барысы да җитди хокук бозуларсыз узачак ", - дип билгеләде Прокофьев.
Бу сайлауларда партиядән 3 мең күзәтүче эшли, соңгы тавыш бирү көненә Артем Прокофьев тавыш бирү барышын контрольдә тоту өчен 5 мең кеше җәлеп ителер дип өметләнә.

Кызыклы яңалыкларны күзәтеп бару өчен Вконтактега кушылыгыз.