Һава температурасы кабат рекорд куя

Бу хакта "Татар-информ"га профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев белдергән.

"Ял көннәрендә температура нормадан 12 градуска югары булачак. Бу вакытта Казанда уртача тәүлеклек температура нормасы -12 градус, ә көндез шимбә һәм якшәмбе нуль градус булачак", – дигән ул

Бүген Татарстанда көндез һава температурасы 0 градуска кадәр күтәреләчәк.

2 февральдә аязучан болытлы һава, урыны белән бераз кар явачак. Җил көньяктан, көньяк-көнбатыштан уртача тизлектә исәчәк. Төнлә минималь температура -2...-7, аязганда -12 градус тәшкил итәчәк. Көндез температура яңадан 0гә кадәр күтәреләчәк. Юлларда бозлавык саклана.