#Кыскача яңалыклар 16 март 2018, 14:13

Авыр хәлгә юлыкканда каушап калмагыз: 101, 102, 103, 104, 112гә шалтыратыгыз

16 март 2018, 14:13

Тормыш-көнкүрештә төрле авыр хәлләр килеп туарга мөмкин. Мәсәлән, язгы су басу, урманда адашу, юл-транспорт һәлакәтенә очрау, газ исе таралу. Шикле кешеләрне яки әйберләрне күреп алу.

Скопировать ссылку

Татарстан Республикасы буенча Эчке эшләр министрлыгы мондый очракларда каушап калмаска, ашыгыч хезмәтләргә кичекмәстән мөрәҗәгать итәргә чакыра.

Стационар ягъни чыбыклы телефоннан шалтыратканда ашыгыч хезмәтләр телефоннары: 01 – янгын сүндерү хезмәте һәм МЧС, 02 – полиция (милиция), 03 – ашыгыч медицина ярдәме, 04 – авария газ хезмәте.

Төбәк ашыгыч хезмәтләренә шалтыратканда башта “8” саның, аннан соң шәһәр кодын һәм хезмәтнең телефон санын җыярга кирәк.

Ашыгыч хезмәтләрне кәрәзле (мобиль) телефоннан җыйганда иң башта “1” санын җыегыз. Мәсәлән, 101 – янгын сүндерү хезмәте, 102 – полиция, 103 – ашыгыч медицина ярдәме, 104 – авария газ хезмәте.

Бердәм коткару хезмәте (МЧС) – 112.
Акыл миңгерәүләнгән, ашыккан яки нык дулкынланган халәттә Американың “911” бердәм коткару хезмәте телефонын җыйган очракта да, безнең илдә әлеге шалтырату 112 хезмәтенә ялгана. Кәрәзле телефоннан 112 бердәм коткару хезмәтенә русча яки инглиз телләрендә телефонның SIM-картасы булмаса да, SIM-картасы туктатылса да, телефон хисабында акчасы бетсә дә шалтыратып була. Радиодулкын һәм заряд бик хәлсез булган очракта да, кәрәзле телефон 112 бердәм коткару хезмәтенә ялгана. Элемтәнең икенче очындагы тавышны ишетмәгән очракта да, барыбер дә, урындагы хәлне сөйләгез ягъни нинди ярдәм кирәклеген әйтегез.
Ашыгыч хезмәтләргә телефоннан шалтырату түләүсез.

Кызыклы яңалыкларны күзәтеп бару өчен Т елеграмга кушылыгыз.