Авыру балаларның үз алмагач бакчасы булды

Балалар кунаклар белән бергә хастаханә ишегалдына алмагачлар, груша агачлары утыртты. Киләчәктә тамыр җәеп, тора-бара мул уңыш бирәчәк бу үсентеләрне күпләр йортта дәваланучы сабыйлар, аларның әти-әниләре өчен игелек һәм өмет символы дип кабул итте. ”Рональд Макдоналд йортында һәрчак балаларның көлгән тавышы яңгырасын. Сәламәтлектән аермасын,” – диде “Банк Татарстан” бүлеге идарәсе Рушан Сахбиев. Ул үзе дә балалар белән бергә агачлар утыртты.