Ахырга кадәр көрәшәчәкбез: Казанда этләр талап үтергән хатын-кыз турындагы фаҗигане телевизордан күрсәтәчәкләр

Якын көннәрдә федераль каналларның берсендә ток-шоу чыгачак, аның төп геройлары Жанна Хөсәенованың тормыш иптәше һәм кызы булачак. Узган шимбәдә аны этләр өере талап үтерде.

Программа нәкъ менә нәрсә турында булачагын хәбәр ителмәячәк. Кайбер мәгълүматларга караганда, гаилә ахырга кадәр көрәшергә һәм Жанна үлемендә гаепле булган затларга җәза бирергә карар кылган. Моннан тыш, Жаннаның якыннары мәгълүматлары буенча, студиядә зал һәм экспертлар зыян күргән якның позициясен тулысынча хуплаган һәм эт өерләре белән вәзгыятькә үз фикерләрен белдергән.

Исегезгә төшерәбез, коточкыч фаҗига шимбә көнне, 9 ноябрьдә, Казан янындагы Самосырово бистәсендә булды. Эшкә баручы 48 яшьлек хатынга ерткыч эт көтүе һөҗүм иткән. Аның котылырга өмете юк булмаган. Жанна Хөсәенованың эт талаган мәете кичен кырда табылган. Биредә яшәүчеләр бөтен гаепне промбаза территориясендә бик күп этләр ияләштергән директордан күрә.