#Кыскача яңалыклар 08 февраль 2021, 14:19

Айгөл Бариева легендар җырчы белән дуэт әзерли!

08 февраль 2021, 14:19

Татарстанның атказанган артисты Айгөл Бариева тәүге тапкыр гадәти булмаган кичә оештырырга җыена. “Мине танырсыңмы?” дип аталган әдәби-музыкаль кичәдә бары тик тере тавышка һәм тере инструментка ретро җырлар гына яңгыраячак.

Скопировать ссылку

Айгөл Бариева легендар җырчы белән дуэт әзерли!

“Кичәнең махсус кунагы – Рамил Миндияр. Аны халык белән яңадан очраштыру – зур хыялым иде. Күбебез Рамил абыйның җырларын тыңлап үстек. Аның җырларын яратмаган кеше юктыр. Рамил абый белән дуэт әзерлибез. Гомумән, сюрпризлар күп булачак, барысын да ачасым килми. Кичәне Г.Камал театры белән берлектә оештырабыз”, - диде Айгөл.

Җырчы сөйләвенчә, халык мондый форматтагы чараларга сусаган. “Бигрәк тә пандемия вакытында халык җанлы очрашуга, аралашуга мохтаҗ булды. Тамашачы шоулардан бераз арыды дияр идем. Кичәмә килүчеләр концерт кына карап калмас, яшьлегенә кайтыр. Биредә яңгыраячак һәр җыр таныш булачак, шуңа күрә тамашачы рәхәтләнеп кушылып җырлап утырыр дип өметләнәм”, - ди Айгөл Бариева.

Әдәби-музыкаль кичә 9 мартта Г.Камал театрында узачак.