Айгөл Бәдретдинова әни булды!

Кыз бала 6 май көнне 21:16 сәгатьтә дөньяга килгән. Авырлыгы – 3500 грамм, буе – 53 см. “Менә ул бәхет!” – дип Айгөл шатлыгы белән уртаклашты.

Бала Республика клиника хастаханәсенең Перинаталь үзәгендә туган. "Биредә шундый яхшы мөнәсәбәт, нәкъ менә бу хастаханәне сайлавыма сөенеп бетә алмыйм. Миңа бик яхшы табиб насыйп булды. Аңа рәхмәтемнең чиге юк", - ди ул. Айгөл кызына Алия дигән матур исем сайлаган.

Айгөлне чын күңелдән котлыйбыз, бәхет, иминлек телибез. Кызларының игелеген күрергә язсын!