#Кыскача яңалыклар 15 сентября 2022, 11:00

Азат Фазлыев: “Мин өйдән китеп, Алсуның ике бала белән үзе генә яшәгән чаклары да булды”

15 сентября 2022, 11:00

15 ел бергә яшәү дәверендә бик күп серләребез җыелды, әмма без аларны беркайчан да тамашачыга чыгып сөйләмәдек, ди җырчы.

Скопировать ссылку

Җырчы Азат Фазлыев социаль челтәрдәге шәхси сәхифәсендә гаиләләренә кагылышлы серләрне чишкән.

“Өйләнгәнче бурычка алган ун мең сумны Алсу миңа кире кайтардымы, юкмы? Булды бит безнең дә төрле вакытлар. Мин өйдән чыгып китеп, Алсуның ике бала белән берүзе яшәгән чаклары… Мин башка кеше белән диңгезгә китеп, сагынуга түзә алмаган чакларым. Булды Алсуның минем аркада хастаханә юлында йөргәне...

“Кыз алып кайтсаң, бер бүләгем булачак», – дигән идем. Нинди бүләк ул? Алып бирә алдыммы?

Вакыт үтте, бар да үзгәрде. Һәм без, Алсу белән килешеп, боларның барысын да сезгә сөйләргә булдык. Тамашабызда сез болар турында беренчеләрдән булып ишетәчәксез”, – ди Азат.

Посттан аңлашылганча, бу вакыйгалар хакында җырчы парның яңа концерт программасында белеп булачак.