Коточкыч: имезгәндә баласын күкрәге белән сытып үтергән...

Казанда тагын бер коточкыч фаҗига: исерек хәлдә булган ана имезгән вакытта ай ярымлык баласын изеп үтергән. Әлеге хәлләр Әмәт бистәсендә булган. 30 яшьлек хатын дуслары белән утырганда, спиртлы эчемлекләр куллана. Кич җиткәч, баласын имезергә ята, ләкин йокыга китә һәм баласын күкрәге белән каплый. Хатын шул дәрәҗәдә исерек була ки, аны хәтта дуслары да уята алмый. Шуннан шешәдәшләре ашыгыч ярдәм һәм полиция хезмәткәрләрен чакыра. Табиблар исерек ананы нашатырь спирты белән генә уята алган.

Вахитов районы прокуратурасы тикшерү эшләре башлаган.