#Кыскача яңалыклар 30 мая 2019, 11:02

Банк хезмәткәре 23 миллион сум акча урлап качкан

30 мая 2019, 11:02

Бу җинаять 27 май көнне Салават шәһәрендә булган. 35 яшьлек өлкән кассир Луиза Х. эш көнен тәмамлап, хезмәттәшләре белән ягымлы итеп саубуллашып өенә кайтып киткщн.

Скопировать ссылку

Әмма банкта кичке тикшерүләр вакытында 23 миллион сум акча җитмәгәне ачыклана. Шик шундук өлкән кассирга төшә. Шалтыраталарга ул җавап бирми. Полиция хезмәткәрләре өенә бара, ә анда берсе дә булмый. Алалар гаиләләре белән - 41 яшьлек ире (Таджикистанда туган), 2 кечкенә баласы, 40 яшьлек апасы (моныңчы наркотиклар тараткан өчен хөкем ителгән була) һәм 63 яшьлек әтисе белән бергәләп иске "Рено Дастер"га утырып качкан дип фаразлана.

Хәзер банкта югалган төгәл сумманы ачыклар өчен ревизия эшләре бара. Хезмәттәшләре өчен шунысы сәер: моңа кадәр Луиза беркайчан да шик тудырмаган булган, иң тәртипле хезмәткәрләр рәтеннән булган.

Бүгенге көндә полиция әлеге гаиләне эзләү белән мәшгуль.