Баш миен үстерүче фестиваль
15-16 июнь көннәрендә Казан ярминкәсендә «Rukami» фестивале узды. Биредә 400гә якын мәктәп укучысы авыл хуҗалыгы, медицина, мәгариф, сәнгать өлкәләренә кагылышлы үзләре уйлап тапкан яңа технологияләрен тәкъдим итте.
15-16 июнь көннәрендә Казан ярминкәсендә «Rukami» фестивале узды. Биредә 400гә якын мәктәп укучысы авыл хуҗалыгы, медицина, мәгариф, сәнгать өлкәләренә кагылышлы үзләре уйлап тапкан яңа технологияләрен тәкъдим итте.
Үзенчәлекле яшь белгечләр белән Татарстан Республикасы премьер-министры – мәгариф һәм фән министры Рафис Борһанов очрашты.
– Бу фестивальдә кул белән эшли торган күнекмәләрне генә түгел, баш миен дә үстерәләр. Балалар стандарт булмаган фикер йөртергә өйрәнә. Бу белемнәр, нинди һөнәр иясе булуга карамастан, кирәк булачак. Кайбер белгечлекләр бары тик өч-биш ел гына «яши». Шуңа күрә кеше һәрвакыт яңа һөнәр үзләштерергә әзер булырга тиеш, – диде Рафис Борһанов.
«Rukami» фестивале Татарстан Республикасы Президенты Рөстәм Миңнеханов теләктәшлеге белән оештырыла.
– WorldSkills эшче яшьләр фестивале бар, без аннан алгарак киттек. «Rukami» фестивалендә безгә эшче һөнәрләре дә кызык, шул ук вакытта программалаштыру, биоинформатика кебек тармакларны да колачлыйбыз, – ди «Rukami» проекты җитәкчесе Наталья Смелкова.
Фестиваль тәмамлангач, иң яхшы эш авторларын Мәскәүгә җибәрәчәкләр. Әлеге чара Россиянең ун төбәгендә уздырыла.
фото - tatar-inform.ru
Вход на сайт
Язмага реакция белдерегез
Мөһим
-
#Язмыш
Туганда ук авыр диагнозлар белән көрәш башланган
-
#Шоу-бизнес
Җан дуслар Гөлинә белән Зәринә: “Һәр яңа ел шушы теләкне әйтәбез”
-
#Җәмгыять
Яшьләрдә яңа мода: шифаханәләрдә ял итү популярлаша
-
#Киңәш сандыгы
Кефирда алкоголь бармы?
-
#Җәмгыять
Озак яшәсеннәр: дәүләт өлкәннәргә ни рәвешле ярдәм кулы суза?
Комментарийлар