#Кыскача яңалыклар 23 октября 2018, 09:53

Башкортстанның 8 вице-премьеры эштән киткән

23 октября 2018, 09:53

Башкортстан Республикасы премьер-министрының сигез урынбасары да, үз теләге белән, отставкага киткән.

Скопировать ссылку

Башкортстан Республикасы премьер-министрының сигез урынбасары да, үз теләге белән, отставкага киткән.

Бу хакта «Интерфакс» агентлыгы республика Башлыгы вазифаларын вакытлыча башкаручы Радий Хәбировка сылтама белән хәбәр итә.

– Премьер-министр җитәкчелегендә республика Хөкүмәте һәм барлык вице-премьерлар отставкага китү турында мөрәҗәгать итте. Мин Рөстәм Мәрдановның премьер-министр вазифасында эшләвен дәвам итүен сорадым, ә сигез вице-премьерның отставкасын кабул иттем, – дигән Радий Хәбиров.

Шул ук вакытта өч вице-премьер — Илшат Таҗетдинов, Фәрһад Самедов һәм Илшат Фәйзрахманов – әлеге вазифаны вакытлыча башкаручы статусында эшен дәвам итәчәк.
Сүз уңаеннан, республиканың элеккеге башлыгы Рөстәм Хәмитов 11 октябрьдә отставкага китүе турында игълан итте. Шул ук көнне аның урынына Красногорск шәһәр округы башлыгы Радий Хәбировны билгеләделәр.

Кызыклы яңалыкларны күзәтеп бару өчен Телеграм-каналга кушылыгыз.