#Кыскача яңалыклар 21 июля 2020, 13:50

Бензин пычкычы белән киселгән кулны ялгаганнар

21 июля 2020, 13:50

Татарстан клиник хастаханәсе табиблары Марий Элда яшәүченең бензопила белән киселгән кулын коткарып калган. Бу хакта хастаханәнең матбугат хезмәте хәбәр итә.

Скопировать ссылку

73 яшьлек ир-ат 18 июльдә үз участогында эшләгән вакытта җәрәхәт ала.

Пенсионерны шунда ук Марий-Эльның район үзәк хастаханәсенә китергәннәр. Җирле табиблар аңа беренче ярдәм күрсәткәннәр, алга таба дәвалау өчен авыруны Казанга микрохирургларга җибәргәннәр.

Кичке 7 дән төнге сәгать 12гә кадәр Казан табиблары ир-атның кулын яңадан "җыйганнар": сөякләрен теркәгәннәр, кан тамырларын протезлаганнар, сеңерләрен ялгаганнар. Төн уртасында РКБ микрохируглары операцияне тәмамлаган.

Марий-Элда яшәүче җәрәхәт алган ир-атны хастаханәнең кабул итү бүлегенә улы, яра алып, 6 сәгать узгач кына китергән була.

Хәзерге вакытта хаста үзен яхшы хис итә, кулы акрынлап сихәтләнеп килә.

фото: pixabay.com

Кызыклы яңалыкларны күзәтеп бару өчен Телеграм-каналга кушылыгыз.

#Сәламәтлек саклау #бензопила #яра #җәрәхәт #РКБ